قلت الوداع وجاوبت دمعة العين..شعر حزين

قلت الوداع وجاوبت دمعة العين..
تجرح بساتين الخدود النديه
وغصت وشفت بعينها الحزن حزنين..
وصاااحت:على الفرقا انا مو قويه
وجاويتها"ارجوك" تكفين..تكفين..
والله دمعك يشعل النار فيه
وقالت: تعاهدني عهاد المحبين..
الله يخون اللي يخون خويه
قلت ابشري واللي خلق لاتظنين..
حرام ماغيرك "عشقت" ادميه
وقصت شعرها!!وقلت وشتسوين؟..
قالت ابي غرتي لك هديه
ونادتني الغربه على الهم والبين..
احسب الايام روحه وجيه
وفي كل ليله ترتسم بين رمشين..
خيالها بين الرموش الشقيه
غربه سنه في ذمتي غربه سنتين..
متى على الله يلتقي الحي حيه
خلااص هانت مابقى غير يومين..
ورجعت شوقي في خفوقي براكين..
ورجعت انا كلي لها جاذبــــــيه
وانا اصيــــــــــــح هي وين؟؟
وكلن نثر من داخل العين ميه
وفي معمعة حزني تلقيت رمحين..
قالو:توفــــــت!! غافلتها المنيه
وفي غرتها ماذكرت غير حرفين..
تشهدت بإسمك شــــفاة البنيه
وتزاحمت في داخلي ال1000ف سكين..
والحزن يطويني ثمانيـــــــن طيه
صدمه..وجاوبتني على الارض نصفين..
وشلون راحت دون ذنب وخطيه؟
تكفون..دلوني على القبر هالحين..
وماعاد فيني للصــبر مقدريه
ووقفت اطالع قبرها بين نصبين..
وجلست اضم اغلى النصايب عليه
واصييح وشبك ياغلاااي ماتردين..
اشتقت لهمس شفاهك النرجسيه
وش فيك جيت من السفر ماتهلين؟..
ماهيب لك عاده ولاانتي رديه ..
وحاولت في لحظة جنون اجرح الدين..
وازيح تربة قــــــــــبرها في يديه
وبالغصب شالوني حشى تقل مسكين..
واصرخ بهم والله والله حيــــــــــه
وقفت وتاهت بي جميع العناوين..
والحزن يلعب داخــــلي سامريه
ورجعت لي دروب الشقى قبل عامين..
مدري من اللي صار فينا ضحيه
:
:
:
:
وسلامتكم





تحياتي لكم